أول جوازي كانت حالة جوزي المادية صعبة اوي….
كان عليه ديون كتير بسبب الجواز والعفش وقسط الشقة وخصوصاً انه من النوع اللي بيحب الفشخرة و المنظرة ادام الناس حتى وهو مفلس.
فات أول شهر على جوازنا وعرفت إني حامل كنت فرحانة جداً وكنت متخيلة أنه هو كمان هيفرح زيي لما يعرف إني حامل لكن للأسف ماحستش انه فرحان بالعكس بقيت حاسة أنه على طول متضايق ومهموم بصراحة هو ماكنش بيحاول يبين قدامي انه زعلان لكن أنا كنت حاسة بيه وزعلانة ان مفيش في ايدي حاجة اعملها أو اساعده بيها.
لغاية ما وصلت للشهر الرابع وروحنا سوا للدكتور في الوحدة الصحية وأول ما كشف عليا ابتسم وبص لجوزي وقاله:
_ يتربوا في عزك ان شاء الله = هما مين دول يا دكتور _ مبروك… مراتك حامل في توأم
نزل الخبر على جوزي زي الصاعقة، مانطقش بعدها بولا كلمة. بعكسي انا كنت فرحانة جدا وكنت حاسة ان ربنا هيعدلها وهيفرجها علينا
تقريبا الدكتور حس بصدمة جوزي فنده عليه وأحنا طالعين من الباب واخده على جنب وقاله دة الكارت بتاعي ياريت تكلمني على الرقم دة عشان بعد كدة المدام تيجي تتابع الحمل عندي في عيادتي الخاصة وأنا هفهمك على كل حاجة في التليفون
بعدها ﻋﺪﺕ ﺷﻬﻮﺭ ﺍﻟﺤﻤﻞ ﺑﺒﻄﺊ ﻭﺗﻌﺐ … ﻭﻭﻟﺪﺕ ﺑﻌﺪﻫﺎ ﻓﻲ ﻋﻴﺎﺩﺓ ﺍﻟﺪﻛﺘﻮﺭ ﺯﻱ ﻣﺎ ﺍﺗﻔﻖ ﻣﻊ ﺟﻮﺯﻱ ﺑﺲ ﺍﺗﻔﺎﺟﺌﺖ ﺑﻴﻪ ﺑﻴﻘﻮﻟﻲ ﺑﻌﺪ ﻣﺎ ﻓﻮﻗﺖ ﻣﻦ ﺍﻟﺒﻨﺞ ﺍﻥ ﺍﻟﺒﻨﺖ ﺑﺲ ﻫﻲ ﺍﻟﻠﻲ ﻋﺎﻳﺸﺔ ﻭﺍﻟﻮﻟﺪ ﻻ …
ﺳﻠﻤﺖ ﺃﻣﺮﻱ ﻟﺮﺑﻨﺎ ﻭﺭﺿﻴﺖ ﺑﻘﻀﺎﺀﻩ ﺭﻏﻢ ﺣﺰﻧﻲ ﻭﻗﻬﺮﺗﻲ ﻋﻠﻰ ﺍﻟﻮﻟﺪ … ﺑﺲ ﺑﻌﺪﻫﺎ ﺳﺒﺤﺎﻥ ﺍﻟﻠﻪ ﺣﻴﺎﺗﻨﺎ ﺍﺗﻐﻴﺮﺕ ﺗﻤﺎﻣﺎ ﻭﺍﻟﻔﻠﻮﺱ ﺟﺮﻳﺖ ﻓﻲ ﺍﻳﺪ ﺟﻮﺯﻱ ﻭﺍﺷﺘﺮﻯ ﺷﻘﺔ ﺗﻤﻠﻴﻚ ﻛﺒﻴﺮﺓ ﻧﻘﻠﻨﺎ ﻓﻴﻬﺎ ﺩﺓ ﻏﻴﺮ ﺍﻟﺪﻫﺐ ﺍﻟﻠﻲ ﺟﺎﺑﻬﻮﻟﻲ ﻭ ﺍﻟﻬﺪﺍﻳﺎ ﺍﻟﻜﺘﻴﺮ
ﻛﻨﺖ ﻓﺮﺣﺎﻧﺔ ﺍﻭﻱ ﺑﺎﻟﻤﺴﺘﻮﻯ ﺇﻟﻠﻲ ﺑﻘﻴﻨﺎ ﻋﺎﻳﺸﻴﻦ ﻓﻴﻪ ﻭﺇﻟﻠﻲ ﻓﺮﺣﻨﻲ ﺍﻛﺘﺮ ﻟﻤﺎ ﻟﻘﻴﺖ ﺟﻮﺯﻱ ﺑﻴﻄﻠﺐ ﻣﻨﻲ ﺍﻥ ﺍﺣﻨﺎ ﻧﺨﻠﻒ ﺗﺎﻧﻲ ﺑﺲ ﻃﻠﺐ ﻣﻨﻲ ﺍﻧﻲ ﻻﺯﻡ ﺍﺭﻭﺡ ﻟﻠﺪﻛﺘﻮﺭ ﺍﻻﻭﻝ ﻋﺸﺎﻥ ﻳﺪﻳﻨﻲ ﻣﻘﻮﻳﺎﺕ ﻭﻣﻨﺸﻄﺎﺕ ﻋﺸﺎﻥ ﻳﺤﺼﻞ ﺣﻤﻞ ﺑﺴﺮﻋﺔ ﻭﻋﺸﺎﻥ ﻧﻔﺴﻪ ﻛﻤﺎﻥ ﺍﻛﻮﻥ ﺣﺎﻣﻞ ﻓﻲ ﺗﻮﺃﻡ ﺯﻱ ﺍﻟﻤﺮﺓ ﺍﻟﻠﻲ ﻓﺎﺗﺖ .
ﺍﻟﺤﻤﻞ ﺍﻟﻤﺮﺓ ﺩﻱ ﻛﺎﻥ ﻣﺨﺘﻠﻒ … ﺟﻮﺯﻱ ﻛﺎﻥ ﻣﻬﺘﻢ ﺑﻴﺎ ﺟﺪﺍ ﻏﻴﺮ ﺍﻟﺤﻤﻞ ﺇﻟﻠﻲ ﻓﺎﺕ، ﺑﻴﺘﺎﺑﻊ ﺍﺩﻭﻳﺘﻲ ﺑﺎﻟﺴﺎﻋﺔ ﻭﺍﻟﺪﻗﻴﻘﺔ، ﻭﺍﻟﺪﻛﺘﻮﺭ ﺑﻨﺮﻭﺣﻠﻪ ﻛﻞ ﺷﻬﺮ ﺑﺎﻧﺘﻈﺎﻡ، ﻭﺍﻟﻔﺮﺣﺔ ﻛﻤﺎﻥ ﺑﺎﻳﻨﺔ ﻓﻲ ﻋﻴﻨﻴﻪ ﻃﻮﻝ ﺍﻟﻮﻗﺖ .
ﺑﺲ ﺍﻟﻐﺮﻳﺐ ﻟﻤﺎ ﻋﻤﻠﺖ ﺳﻮﻧﺎﺭ ﺃﻭﻝ ﻣﺮﺓ ﻭﻃﻠﻌﺖ ﻓﻌﻼً ﺣﺎﻣﻞ ﻓﻲ ﺗﻮﺃﻡ ﺃﻥ ﺍﻟﺪﻛﺘﻮﺭ ﻭﺟﻮﺯﻱ ﺣﻀﻨﻮﺍ ﺑﻌﺾ ﻣﻦ ﻛﺘﺮ ﺍﻟﻔﺮﺣﺔ … ﺍﻟﺪﻛﺘﻮﺭ ﻛﺎﻥ ﻓﺮﺣﺎﻥ ﺯﻱ ﺟﻮﺯﻱ ﻭﻳﻤﻜﻦ ﺍﻛﺘﺮ ﻛﻤﺎﻥ !! ﺍﺳﺘﻐﺮﺑﺖ ﺳﺎﻋﺘﻬﺎ ﺭﺩ ﻓﻌﻠﻪ ﺍﻭﻱ ﺑﺲ ﺑﻌﺪ ﻛﺪﺓ
الدكتور كان فرحان زي جوزي ويمكن اكتر كمان!! استغربت ساعتها رد فعله اوي بس بعد كدة نسيت الموضوع وسهيت في بنتي الصغيرة .
وفي تعب الحمل لغاية مافي يوم كنت قاعدة اتفرج على التلفزيون وشوفت بالصدفة مسلسل قديم عن قصة واحدة جوزها بيبع عيالهم ويفهمها انهم ماتوا وبيقبض هو التمن من غير ماهي تعرف…
غيرت القناة وقفلت التلفزيون بس أحداث المسلسل فضلت مسيطرة على تفكيري وبدات اربط الاحداث ببعض، غنى جوزي المفاجئ بعد الولادة واهتمامه اني احمل تاني بتوأم وفرحة الدكتور الغريبة .
كل الاحداث دي بقت تدور في دماغي واللي أكدلي اكتر انه امبارح بيقولي بعد ماتولدي عاوز اشتري عربية احدث موديل ..طب ايه اللي خلاه متأكد انه هيجيله فلوس كتير يشتري بيها عربية بعد ما أولد.
انا تقريبا كدة اتأكدت بعد ماجمعت الأحداث كلها مع بعض ان الأفكار اللي في دماغي كلها مظبوطة بس اتصرف ازاي واعمل ايه يوم الولادة وانا ماليش اهل يقفوا معايا ويخلوا بالهم عليا وعلى ولادي
حاولت اهدا واروق نفسي عشان خاطر اللي في بطني وفي نفس الوقت اقدر افكر بهدوء هعمل ايه واتصرف ازاي
وفعلا على اخر اليوم جاتلي فكرة عبقرية هبدأ في تنفيذها من بكرة… يتبع
الجزء الثاني من قصة التوام من هنااااا
